| 1 | Non multo interiecto tempore, dum festivitas octavarum Epiphaniae annuo celebraretur officio, cunctis tempore sacrificii ad ecclesiam convenientibus, luminaria et candelae incendebantur ex more. Una autem candela sine lumine inter caeteras ardentes dimissa, inter sacra missae solemnia principalis, primo coepit paulatim fumo tenui vaporare: deinde videntibus non paucis flammam concipiens et caeteris clarius rutilans, signi effectum splendoris singularitate commendavit. |