| 1 | Nec marathri taceatur honor, quod stipite forti |
| 2 | Tollitur, et late ramorum brachia tendit; |
| 3 | Dulce satis gustu, dulcem satis addit odorem. |
| 4 | Hoc oculis quos umbra premit prodesse loquuntur. |
| 5 | Huius item semen, fetae cum lacte capellae |
| 6 | Absumptum, ventris fertur mollire tumorem, |
| 7 | Cunctantisque moras dissolvere protinus alvi |
| 8 | Praeterea radix marathri, commixta liquori |
| 9 | Lenaeo, tussim percepta repellit anhelam. |