Walafrid Strabo, Hortulus, VIII MARRUBIUM.
1 | Quid referam iuxta positi nimiumque potentis |
2 | Marrubii non vile genus, licet acrius ora |
3 | Mordeat, et longe gustum disiungat odore. |
4 | Dulce enim olet, non dulce sapit, sed pectoris aegros |
5 | Comprimit angores, tristi dum sumitur haustu, |
6 | Praecipue talis caleat si potus ab igni, |
7 | Et coenam cyathis cogatur claudere crebris, |
8 | Si quando infensae quaesita venena novercae |
9 | Potibus immiscent, dapibusve aconita dolosis |
10 | Tristitia confundunt, extemplo sumpta salubris |
11 | Potio marrubii suspecta pericula pressat. |