| 1 | Elelifagus [Graece, ἐλελίσφακος. Versus quidem claudicare videtur: sed si primam, more huius aetatis, in praefulget corripias, stabit; vel, si malis, primam verbi elelifagus syllabam verbo versus praecedentis ultimo absorptam intelligas, legendo tamen primo pro prima. EDIT.] prima praefulget honore locorum, |
| 2 | Dulcis odore, gravis virtute, atque utilis haustu. |
| 3 | Pluribus haec hominum morbis prodesse reperta, |
| 4 | Perpetuo viridi meruit gaudere iuventa. |
| 5 | Sed tolerat civile malum: nam saeva parentem |
| 6 | Progenies florum, fuerit ni dempta, perurit, |
| 7 | Et facit antiquos defungier invida ramos. |