| 1 | lm|legere|lm furari: unde et sacrilegi dicuntur, quia sacra legunt, hoc est furantur: alibi 'vel quae sublegi tacitus tibi carmina nuper'. |
| 2 | lm|gremiis abducere pactas|lm id est sponsas: nam ante usum tabularum matrimonii cautiones sibi invicem emittebant, in quibus spondebant se consentire in iura matrimonii, et fideiussores dabant: unde admissum est ut sponsum dicamus virum a spondendo, et sponsam promissam. ceterum proprie sponderi puellae est: ergo sponsus non quia promittitur, sed quia spondet et sponsores dat. sane exaggeratio est nimia in eo quod ait 'gremiis abducere', tamquam iam uxores. |