| 1 | lm|pars calidos Latices|lm Plinius in naturali historia dicit hanc esse causam ut mortui et calida abluantur et per intervalla conclamentur, quod solet plerumque vitalis spiritus exclusus putari et homines fallere. denique refert quendam superpositum pyrae adhibitis ignibus erectum esse nec potuisse liberari. unde et servabantur cadavera septem diebus, et calida abluebantur, et post ultimam conclamationem conburebantur: unde traxit Terentius 'desine, iam conclamatum est'. |
| 2 | lm|aena undantia flammis|lm hoc est per flammas: alibi 'nec iam se capit unda: volat vapor ater ad auras'. |