| 1 | lm|promeritam|lm praestitisse et bene gessisse: et est sermo de his, qui per contrarium magis lucent: Terentius 'ita me velim ames promerentem pater', id est bene agentem. et congruit, ut praestet qui bene agit: contra 'commeritus' qui aliquid delinquit, ut alibi ipse Terentius 'quid commerui aut peccavi, pater', id est quid male egi? et est sensus: quantacumque enumerare potueris in me tuo beneficio conlata, eorum tibi debere gratiam non repugno. |
| 2 | lm|meminisse pigebit elissae|lm 'memini' et 'illius rei' dicimus, ut hoc loco: et 'memini illam rem', ut 'numeros memini, si verba tenerem'. 'Elissae' autem Didonis, quae appellata est lingua Punica virago, cum se in pyram sponte misisset, fingens placare manes prioris mariti, cum nubere se velle Iarbae mentiretur. |