| 1 | lm|proderet|lm modo 'protenderet', id est propagaret. 'propago' autem si genus significet, 'pro' brevis est, ut 'sit Romana potens Itala virtute propago': si de arbore dicas, producitur 'pro', ut 'flexos propaginis arcus exspectant'. 'prodere' sane significat et occulta detegere, unde proditores dicti, et decipere vel perdere, ut 'unius ob iram prodimur': et est in infinitum haec lexis polysemos. Plautus 'nam illud quod dat perdit, et illi prodit vitam ad miseriam' (Plaut. Trin. 2, 2, 65), cum de paupere loqueretur. |