Servius, in Vergilii Aeneidos Commentarius, 2, Versus 99
| 1 | lm|ambiguas|lm aut dubias, ne si aperte ageret, accusatio esse videretur, aut suspicionum et criminum plenas. |
| 2 | lm|conscius|lm aut peracti sceleris, [de nece Palamedis] aut dolorum suorum, ut est in tertio 'oblitusve sui est Ithacus'. aut certe sciens hunc meum animum. |
| 3 | lm|arma|lm modo fraudes vel dolos, nam arma sunt instrumenta cuiuslibet rei: unde et insidiantis fraudes 'arma' nominavit. alii 'arma' pro opibus vel auxiliis accipiunt. alii 'arma' consilium, alii occasionem, non nulli insidias intellegunt: quidam 'conscius arma' hypallagen putant pro 'conscientia arma', ut 'et quondam patriis ad Troiam missus in armis' et 'arma deosque parant comites' et 'alia arma Latinis quaerenda'. |