Servius, in Vergilii Aeneidos Commentarius, 01, 242

monumenta.ch > Servius > 155 > 398 > 242
Servius, in Vergilii Aeneidos Commentarius, 1, Versus 241 <<< >>> Versus 243

Servius, in Vergilii Aeneidos Commentarius, 1, Versus 242

1	lm\|antenor potuit]\|lm capto Ilio Menelaus memor se et Ulixen beneficio Antenoris servatos, cum repetentes Helenam ab eo essent suscepti ac paene a Paride aliisque iuvenibus interempti essent, parem gratiam reddens inviolatum dimisit. qui cum uxore Theano et filiis Helicaone et Polydamante ceterisque sociis in Illyricum pervenit, et bello exceptus ab Euganeis et rege Veleso victor urbem Patavium condidit; id enim responsi acceperat eo loco condere civitatem quo sagittis avem petisset; ideo ex avis petitae auspicio Patavium nominatum, cui aeternitatem * * * Helicaon ne victor rediret gladio peremit.
2	lm\|antenor potuit\|lm non sine causa Antenoris posuit exemplum, cum multi evaserint Troianorum periculum, ut Capys qui Campaniam tenuit, ut Helenus qui Macedoniam, ut alii qui Sardiniam secundum Sallustium; sed propter hoc, ne forte illud occurreret, iure hunc vexari tamquam proditorem patriae. elegit ergo similem personam; hi enim duo Troiam prodidisse dicuntur secundum Livium, quod et Vergilius per transitum tangit, ubi ait 'se quoque principibus permixtum agnovit Achivis', et excusat Horatius dicens 'ardentem sine fraude Troiam', hoc est sine proditione: quae quidem excusatio non vacat; nemo enim excusat nisi rem plenam suspicionis. Sisenna tamen dicit solum Antenorem prodidisse. quem si velimus sequi augemus exemplum: si regnat proditor, cur pius vagatur? ob hoc autem creditur Graecis Antenor patriam prodidisse, quia sicut superius dictum est, et auctor reddendae Helenae fuit et legatos qui propter Helenam venerant suscepit hospitio, et Ulixen in mendici habitu agnitum non prodidit.
3	lm\|potuit\|lm plus est quod dixit 'potuit' non meruit.
4	lm\|elapsus\|lm invidiose noluit dicere 'dimissus', sed 'elapsus'.
5	lm\|achivis\|lm ab Achaeo, Iovis et †Pithiae filio, dicti.

Servius HOME
bav1646.131 bnf7959.77 bnf7960.57 bnf7962.30 bnf10307.220 med221.109 ubk206.38
© 2006 - 2024 Monumenta Informatik

1	lm\|antenor potuit]\|lm capto Ilio Menelaus memor se et Ulixen beneficio Antenoris servatos, cum repetentes Helenam ab eo essent suscepti ac paene a Paride aliisque iuvenibus interempti essent, parem gratiam reddens inviolatum dimisit. qui cum uxore Theano et filiis Helicaone et Polydamante ceterisque sociis in Illyricum pervenit, et bello exceptus ab Euganeis et rege Veleso victor urbem Patavium condidit; id enim responsi acceperat eo loco condere civitatem quo sagittis avem petisset; ideo ex avis petitae auspicio Patavium nominatum, cui aeternitatem * * * Helicaon ne victor rediret gladio peremit.
2	lm\|antenor potuit\|lm non sine causa Antenoris posuit exemplum, cum multi evaserint Troianorum periculum, ut Capys qui Campaniam tenuit, ut Helenus qui Macedoniam, ut alii qui Sardiniam secundum Sallustium; sed propter hoc, ne forte illud occurreret, iure hunc vexari tamquam proditorem patriae. elegit ergo similem personam; hi enim duo Troiam prodidisse dicuntur secundum Livium, quod et Vergilius per transitum tangit, ubi ait 'se quoque principibus permixtum agnovit Achivis', et excusat Horatius dicens 'ardentem sine fraude Troiam', hoc est sine proditione: quae quidem excusatio non vacat; nemo enim excusat nisi rem plenam suspicionis. Sisenna tamen dicit solum Antenorem prodidisse. quem si velimus sequi augemus exemplum: si regnat proditor, cur pius vagatur? ob hoc autem creditur Graecis Antenor patriam prodidisse, quia sicut superius dictum est, et auctor reddendae Helenae fuit et legatos qui propter Helenam venerant suscepit hospitio, et Ulixen in mendici habitu agnitum non prodidit.
3	lm\|potuit\|lm plus est quod dixit 'potuit' non meruit.
4	lm\|elapsus\|lm invidiose noluit dicere 'dimissus', sed 'elapsus'.
5	lm\|achivis\|lm ab Achaeo, Iovis et †Pithiae filio, dicti.