Servius, in Vergilii Aeneidos Commentarius, 1, Versus 76
| 1 | lm|aeolus haec|lm subaudis 'dixit', quod ex posterioribus intellegitur, ut supra notavimus. |
| 2 | lm|regina|lm inferioris personae revetentia est maiorem meritis appellare, non nomine; contra maioris est minorem nomine tantum vocare. qui ordo non nisi per indignationem corrumpitur, ut in duodecimo Sages in extremis rebus Turnum non regem vocat, ut 'ruitque inplorans nomine Turnum'. et alibi de Aristaeo 'et te crudelem nomine dicit'. |
| 3 | lm|optes|lm optare non tantum eligere significat, ut alibi 'optavitque locum regno', sed etiam velle, ut hoc loco 'quid optes' quid velis. Lucilius in VI. 'quid ipsum facere optes', id est velis. alii 'quid optes' quid petas. sane servavit ordinem; nam qui promittit statim a primo polliceri debet, post si qua vult addat, ut auditor expectatione non pendeat. |