Livius, Periochae, 132

monumenta.ch > Livius > 132
Livius, Periochae, CXXXI <<< >>> CXXXIII

Livius, Periochae, CXXXII

1 Caesar in Illyrico Dalmatas domuit.
2 Cum M. Antonius ob amorem Cleopatrae, ex qua duos filios habebat, Philadelphum et Alexandrum, neque in urbem venire vellet neque finito IIIviratus tempore imperium deponere bellumque moliretur quod urbi et Italiae inferret, ingentibus tam navalibus quam terrestribus copiis ob hoc contractis remissoque Octaviae, sorori Caesaris, repudio, Caesar in Epirum cum exercitu traiecit. Pugnae deinde navalis et proelia equestria secunda Caesaris referuntur.