monumenta.ch > Livius > 129
Livius, Periochae, CXXVIII <<<     >>> CXXX

Livius, Periochae, CXXIX


1 Adversus Sex. Pompeium vario eventu navalibus proeliis pugnatum est ita ut ex duabus Caesaris classibus altera, cui Agrippa praeerat, vinceret, altera, quam Caesar duxerat, deleta expositi in terram milites in magno periculo essent. Victus deinde Pompeius in Siciliam profugit.
2 M. Lepidus, qui ex Africa velut ad societatem belli contra Sex. Pompeium a Caesare gerendi traiecerat, cum bellum Caesari quoque inferret, relictus ab exercitu, abrogato triumviratus honore vitam impetravit.
3 M. Agrippa navali corona a Caesare donatus est, qui honos nulli ante eum habitus erat. Livius HOME
bnf1767.57 bsb115093.115 cpl894.218