Livius, Periochae, 128

monumenta.ch > Livius > 128
Livius, Periochae, CXXVII <<< >>> CXXIX

Livius, Periochae, CXXVIII

1 Cum Sex. Pompeius rursus latrociniis mare infestum redderet nec pacem quam acceperat praestaret, Caesar necessario adversus eum bello suscepto duobus navalibus proeliis cum dubio eventu pugnavit.
2 P. Ventidius, legatus Antonii, Parthos in Syria proelio vicit regemque eorum occidit. Iudaei quoque a legatis Antoni subacti sunt.
3 Praeterea belli Siculi apparatum continet.