monumenta.ch > Livius > 109
Livius, Periochae, CVIII <<<     >>> CX

Livius, Periochae, CIX


1 Causae civilium armorum et initia referuntur contentionesque de successore C. Caesari mittendo, cum se dimissurum exercitus negaret nisi a Pompeio dimitterentur. Et C. Curionis tr. pl. primum adversus Caesarem, dein pro Caesare actiones continet.
2 Cum senatus consultum factum esset ut successor Caesari mitteretur, M. Antonio et Q. Cassio tr. pl., quoniam intercessionibus id senatus c. impediebant, urbe pulsis, mandatum est a senatu coss. et Cn. Pompeio, ut viderent nequid res p. detrimenti caperet.
3 C. Caesar bello inimicos persecuturus cum exercitu in Italiam venit, Corfiniun cum M. Domitio et P. Lentulo cepit eosque dimisit, Cn. Pompeium ceterosque partium eius Italia expulit. Livius HOME
bnf1767.57 bsb115093.115 cpl894.209