Livius, Periochae, 105

monumenta.ch > Livius > 105
Livius, Periochae, CIV <<< >>> CVI

Livius, Periochae, CV

1 Cum C. Catonis tribuni plebis intercessionibus comitia tollerentur, senatus vestem mutavit.
2 M. Cato in petitione praeturae praelato Vatinio repulsam tulit. Idem cum legem impediret, qua provinciae consulibus in quinquennium, Pompeio Hispaniae, Crasso Syria et Parthicum bellum, dabantur, a C. Trebonio tr. pl., legis alictore, in vincula ductus est.
3 A. Gabinius procos. Ptolemaeum reduxit in regnum Aegypti, eiecto Archelao, quem sibi regem adsciverant.
4 Victis Germanis in Gallia Caesar Rhenum transcendit et proximam partem Germaniae domuit, ac deinde Oceano in Britanniam primo parum prospere tempestatibus adversis traiecit, iterum felicius, magnaque multitudine hostium caesa aliquam partem insulae in potestatem redegit.