Livius, Periochae, 095

monumenta.ch > Livius > 95
Livius, Periochae, XCIV <<< >>> XCVI

Livius, Periochae, XCV

1 C. Curio procos. Dardanos in Thracia domuit. IIII et LXX gladiatores Capuae ex ludo Lentuli profugerunt et congregata servitiorum ergastulorumque multitudine Crixo et Spartaco ducibus bello excitato Claudium Pulchrum legatum et P. Varenum praetorem proelio vicerunt.
2 L. Lucullus procos. ad Cyzicum urbem exercitum Mithridatis fame ferroque delevit, pulsumque Bithynia regem variis belli ac naufragiorum casibus tractum coegit in Pontum profugere.