monumenta.ch > Livius > 63
Livius, Periochae, LXII <<<     >>> LXIV

Livius, Periochae, LXIII


1 C. Porcius cos. in Thracia male adversus Scordiscos pugnavit.
2 Lustrum a censoribus conditum est. Censa sunt civium capita CCCXCIIII milia CCCXXXVI.
3 Aemilia, Licinia, Marcia, virgines Vestales, incesti damnatae sunt, idque incestum quem ad modum et commissum et deprehensum et vindicatum sit re fertur.
4 Cimbri, gens vaga populabundi in Illyricum venerunt. Ab his Papirius Carbo cos. cum exercitu fusus est.
5 Livius Drusus cos. adversus Scordiscos, gentem a Gallis oriundam, in Thracia feliciter pugnavit. Livius HOME
bnf1767.57 bsb115093.115 cpl894.188