monumenta.ch > Livius > 62
Livius, Periochae, LXI <<<     >>> LXIII

Livius, Periochae, LXII


1 Q. Marcius cos. Stynos, gentem Alpinam, expugnavit.
2 Micipsa, Numidiae rex, mortuus regnum tribus filiis reliquit: Atherbali, Hiempsali, Iugurthae, fratris filio, quem adoptaverat.
3 L. Caecilius Metellus Dalmatas subegit.
4 Iugurtha Hiempsalem fratrem petiit bello. Qui victus occiditur; Atherbalem regno expulit; is a senatu restitutus est.
5 L. Caecilius Metellus Cn. Domitius Ahenobarbus censores duos et XXX senatu moverunt.
6 Praeterea motus Syriae regumque continet. Livius HOME
bnf1767.57 bsb115093.115 cpl894.188