monumenta.ch > Livius > 15
Livius, Periochae, XIV <<<     >>> XVI

Livius, Periochae, XV


1 Victis Tarentinis pax et libertas data est.
2 Legio Campana, quae Regium occupaverat, obsessa deditione facta securi percussa est.
3 Cum legatos Apolloniatium ad senatum missos quidam iuvenes pulsassent, dediti sunt Apolloniatibus.
4 Picentibus victis pax data est.
5 Coloniae deductae Ariminum in Piceno, Beneventum in Samnio.
6 Tunc primum populus R. argento uti coepit.
7 Umbri et Sallentini victi in deditionem accepti sunt.
8 Quaestorum numerus ampliatus est, ut essent VIII. Livius HOME
bnf1767.57 bsb115093.115 cpl894.149