| 1 | Auriga Gazensis. |
| 2 | - Auriga quoque Gazensis in curru percussus a daemone, totus obriguit; ita ut nec manum agitare, nec cervicem posset [Al. possit] reflectere. |
| 3 | Delatus ergo in lecto, cum solam linguam moveret ad preces, audit non prius posse sanari, quam crederet in Iesum, et se sponderet arti pristinae renuntiaturum. |
| 4 | Credidit, spopondit, sanatus est: magisque de animae, quam de corporis salute exsultavit. |