| 1 | Multae sunt tentationes eius, et die noctuque variae daemonum insidiae: quas si omnes narrare velim, modum excedam voluminis. |
| 2 | Quoties illi nudae mulieres cubanti, quoties esurienti largissimae apparuere dapes? |
| 3 | Interdum orantem lupus ululans, et vulpecula ganniens transilivit, psallentique gladiatorum pugna spectaculum praebuit: et unus quasi interfectus, et ante pedes eius corruens, sepulturam rogavit. |