Hieronymus, Psalmorum 2, LIBER PSALMORUM IUXTA SEPTUAGINTA INTERPRETES..., PSALMUS CXXXV.
| 1 | ALLELUIA. Confitemini Domino, quoniam bonus: quoniam in aeternum misericordia eius. |
| 2 | Confitemini Deo deorum: quoniam in aeternum misericordia eius. |
| 3 | Confitemini Domino dominorum: quoniam in aeternum misericordia eius. |
| 4 | Qui facit mirabilia magna solus: quoniam in aeternum misericordia eius. |
| 5 | Qui fecit coelos in intellectu: quoniam in aeternum misericordia eius. |
| 6 | Qui firmavit terram super aquas: quoniam in aeternum misericordia eius. |
| 7 | Qui fecit luminaria magna: quoniam in aeternum misericordia eius. |
| 8 | Solem in potestatem diei: quoniam in aeternum misericordia eius. |
| 9 | Lunam, et stellas in potestatem noctis: quoniam in aeternum misericordia eius. |
| 10 | Qui percussit Aegyptum cum primogenitis eorum; quoniam in aeternum misericordia eius. |
| 11 | Qui eduxit Israel de medio eorum: quoniam in aeternum misericordia eius. |
| 12 | In manu potenti, et brachio excelso: quoniam in aeternum misericordia eius. |
| 13 | Qui divisit mare Rubrum in divisiones: quoniam in aeternum misericordia eius. |
| 14 | Et eduxit Israel per medium eius: quoniam in aeternum misericordia eius. |
| 15 | Et excussit Pharaonem, et virtutem eius in mari Rubro: quoniam in aeternum misericordia eius. |
| 16 | Qui traduxit populum suum per desertum: quoniam in aeternum misericordia eius. |
| 17 | . . . . . .. . . . . . Qui percussit reges magnos: quoniam in aeternum misericordia eius. |
| 18 | Et occidit reges fortes: quoniam in aeternum misericordia eius. |
| 19 | Sehon regem Amorrhaeorum: quoniam in aeternum misericordia eius. |
| 20 | Et Og regem Basan: quoniam in aeternum misericordia eius. |
| 21 | Et dedit terram eorum haereditatem: quoniam in saeculum misericordia eius. |
| 22 | Haereditatem Israel servo suo: quoniam in aeternum misericordia eius. |
| 23 | Quia in humilitate nostra memor fuit nostri: quoniam in aeternum misericordia eius. |
| 24 | Et redemit nos ab inimicis nostris: quoniam in aeternum misericordia eius. |
| 25 | Qui dat escam omni carni: quoniam in aeternum misericordia eius. |
| 26 | Confitemini Deo coeli: quoniam in aeternum misericordia eius. |
| 27 | <Confitemini Domino dominorum: quoniam in aeternum misericordia eius. |
| 28 | ALLELUIA. Confitemini Domino, quoniam bonus [Ms. add. est]: quoniam in saeculum misericordia eius. |
| 29 | Confitemini Deo deorum: quoniam in saeculum misericordia eius. |
| 30 | Confitemini Domino dominorum: quoniam in saeculum misericordia eius: Qui facit mirabilia magna solus: quoniam in saeculum misericordia eius. |
| 31 | Qui fecit coelos in intellectu, quoniam in saeculum misericordia eius. |
| 32 | Qui fundavit terram super aquas: quoniam in saeculum misericordia eius. |
| 33 | Qui fecit luminaria magna solus: quoniam in saeculum misericordia eius. |
| 34 | Solem in potestate diei: quoniam in saeculum misericordia eius. |
| 35 | Lunam et stellas in potestate noctis: quoniam in saeculum misericordia eius. |
| 36 | Qui percussit Aegyptum cum primitivis eorum: quoniam in saeculum misericordia eius. |
| 37 | Et eduxit Israel de medio eius: quoniam in saeculum misericordia eius. |
| 38 | In manu forti, et brachio excelso: quoniam in saeculum misericordia eius. |
| 39 | Qui divisit mare Rubrum in divisiones: quoniam in saeculum misericordia eius. |
| 40 | Et eduxit Israel per medium eius: quoniam in saeculum misericordia eius. |
| 41 | Et excussit Pharaonem et exercitum eius in mari Rubro: quoniam in saeculum misericordia eius. |
| 42 | Qui transduxit populum suum per desertum: quoniam in saeculum misericordia eius. |
| 43 | Qui eduxit aquam de petra rupis: quoniam in saeculum misericordia eius. |
| 44 | Qui percussit reges magnos: quoniam in saeculum misericordia eius. |
| 45 | Et occidit reges mirabiles [Ms. admirabiles]: quoniam in saeculum misericordia eius. |
| 46 | Seon regem Amorrhaeorum: quoniam in saeculum misericordia eius. |
| 47 | Et Og regem Basan: quoniam in saeculum misericordia eius. |
| 48 | Et dedit terram eorum haereditatem: quoniam in saeculum misericordia eius. |
| 49 | Haereditatem Israel servo suo: quoniam in saeculum misericordia eius. |
| 50 | Quia [Ms. quoniam] in humilitate nostra memor fuit nostri Dominus: quoniam in saeculum misericordia eius. |
| 51 | Et redemit nos de manu inimicorum nostrorum: quoniam in saeculum misericordia eius. |
| 52 | Qui dat escam omni carni: quoniam in saeculum misericordia eius. |
| 53 | Confitemini Deo [Ms. Domino] coeli: quoniam in saeculum misericordia eius. |
| 54 | Confitemini Domino dominorum, quoniam bonus: quoniam in saeculum misericordia eius. |