Hieronymus, Psalmorum 2, LIBER PSALMORUM IUXTA SEPTUAGINTA INTERPRETES..., PSALMUS XCVI.
| 1 | <HUIC DAVID, QUANDO TERRA EIUS RESTITUTA EST> Dominus regnavit, exsultet terra: laetentur insulae multae. |
| 2 | Nubes, et caligo in circuitu eius: iustitia et iudicium correctio sedis eius. |
| 3 | Ignis ante ipsum praecedet: et inflammabit in circuitu inimicos eius. |
| 4 | Illuxerunt [Ms. adluxerunt] fulgura eius orbi ÷ terrae> vidit, et commota est terra. |
| 5 | Montes sicut cera fluxerunt <a facie Domini> a facie Domini omnis terra. |
| 6 | Annuntiaverunt coeli iustitiam eius: et viderunt omnes populi gloriam eius. |
| 7 | Confundantur omnes qui adorant sculptilia: et qui gloriantur in simulacris <suis> Adorate eum, omnes angeli <eius> audivit, et laetata est Sion. |
| 8 | Et exsultaverunt filiae Iudae, propter iudicia tua, Domine. |
| 9 | Quoniam tu Dominus altissimus super omnem terram; nimis exaltatus es super omnes deos. |
| 10 | Qui diligitis Dominum, odite malum: custodit ÷ Dominus> animas sanctorum suorum, de manu peccatoris liberabit eos. |
| 11 | Lux orta est iusto: et rectis corde laetitia. |
| 12 | Laetamini, iusti, in Domino: et confitemini memoriae sanctificationis eius. |
| 13 | PSALMUS DAVID, QUANDO TERRA EIUS RESTITUTA EST. Dominus regnavit, exsultet terra: laetentur insulae multae. |
| 14 | Nubes, et caligo in circuitu eius, iustitia et iudicium correctio sedis eius. |
| 15 | Ignis ante eum praeibit: et inflammabit in circuitu inimicos eius. |
| 16 | Illuxerunt fulgura eius orbi terrae: vidit, et commota est terra. |
| 17 | Montes sicut cera fluxerunt ante faciem Domini: a facie Domini tremuit omnis terra. |
| 18 | Annuntiaverunt coeli iustitiam eius: et viderunt omnes populi gloriam eius. |
| 19 | Confundantur omnes qui adorant sculptilia: et [Ms. tac. et] qui gloriantur in simulacris suis. |
| 20 | Adorate eum, omnes angeli eius, audivit, et laetata [Ms. iocundata] est Sion: et exsultaverunt filiae Iudae, propter iudicia tua, Domine. |
| 21 | Quoniam tu est Dominus altissimus super omnem terram; nimis exaltatus es super omnes deos. |
| 22 | Qui diligitis Dominum, odite malum: custodit Dominus animas servorum suorum, et de manu peccatoris liberavit eos. |
| 23 | Lux orta est iusto: et rectis corde laetitia. |
| 24 | Laetamini, iusti, in Domino: et confitemini memoriae sanctitatis eius. |