Hieronymus, Psalmorum 2, LIBER PSALMORUM IUXTA SEPTUAGINTA INTERPRETES..., PSALMUS XLVI.
| 1 | IN FINEM, PRO FILIIS CORE, PSALMUS. Omnes gentes, plaudite manibus: iubilate Deo in voce exsultationis. |
| 2 | Quoniam Dominus excelsus terribilis: rex magnus super omnem terram. |
| 3 | Subiecit populos nobis: et gentes sub pedibus nostris. |
| 4 | Elegit nobis haereditatem suam: speciem Iacob, quam dilexit. |
| 5 | DIAPSALMA. Ascendit Deus in iubilo: Dominus in voce tubae. |
| 6 | Psallite Deo <nostro> psallite: psallite regi nostro, psallite. |
| 7 | Quoniam rex omnis terrae Deus: psallite sapienter. |
| 8 | Regnabit Deus super gentes: Deus sedet super sedem sanctam suam. |
| 9 | Principes populorum congregati sunt cum Deo Abraham: quoniam dii fortes terrae vehementer elevati sunt. |
| 10 | IN FINEM, PRO FILIIS CORE, PSALMUS. Omnes gentes, plaudite manibus: iubilate Deo in voce exsultationis. |
| 11 | Quoniam Deus summus terribilis: et rex magnus super omnes deos. |
| 12 | Subiecit populos nobis: et gentes sub pedibus nostris. |
| 13 | Elegit nos in haereditatem sibi: speciem Iacob, quam dilexit. |
| 14 | DIAPSALMA. Ascendit Deus in iubilatione: et [Ms. tac. et] Dominus in voce tubae. |
| 15 | Psallite Deo nostro, psallite: psallite regi nostro, psallite. |
| 16 | Quoniam rex omnis terrae, Deus: psallite sapienter. |
| 17 | Regnavit Dominus super omnes gentes: Deus sedet super sedem sanctam suam. |
| 18 | Principes populi convenerunt cum Deo Abraham. |
| 19 | quoniam dii fortes terrae nimium elevati sunt. |