Hieronymus, Psalmorum 2, LIBER PSALMORUM IUXTA SEPTUAGINTA INTERPRETES..., PSALMUS XXXVI.
| 1 | <IPSI> DAVID. Aleph. |
| 2 | Noli aemulari in malignantibus: neque zelaveris facientes iniquitatem. |
| 3 | Quoniam tamquam fenum velociter arescent: et quemadmodum olera herbarum cito decident. |
| 4 | Beth. |
| 5 | Spera in Domino, et fac bonitatem: <et> inhabita terram, et pasceris in divitiis eius. |
| 6 | Delectare in Domino; et dabit tibi petitiones cordis tui. |
| 7 | Gimel. |
| 8 | Revela Domino viam tuam, et spera in eo: et ipse faciet. |
| 9 | Et educet quasi lumen iustitiam tuam, et iudicium tamquam meridiem. |
| 10 | Daleth. |
| 11 | Subditus esto Domino, et ora eum: Noli aemulari in eo qui prosperatur in via sua; in homine faciente iniustitias: He. |
| 12 | Desine ab ira, et derelinque furorem: noli aemulari, ut maligneris. |
| 13 | Quoniam qui malignantur, exterminabuntur: sustinentes autem Dominum, ipsi haereditabunt terram. |
| 14 | Vav. |
| 15 | Et adhuc pusillum, et non erit peccator: et quaeres locum eius, et non invenies. |
| 16 | Mansueti autem haereditabunt terram: et delectabuntur in multitudine pacis. |
| 17 | Zain. |
| 18 | Observabit peccator iustum: et stridebit super eum dentibus suis. |
| 19 | Dominus <autem> irridebit eum: quoniam prospicit quod veniet dies eius. |
| 20 | Heth. |
| 21 | Gladium evaginaverunt peccatores: intenderunt arcum suum, Ut deiiciant pauperem et inopem: ut trucident rectos corde. |
| 22 | Teth. |
| 23 | Gladius eorum intret in corda ipsorum: et arcus eorum confringatur. |
| 24 | Melius est modicum iusto, super divitias peccatorum multas. |
| 25 | Quoniam brachia peccatorum conterentur: confirmat autem iustos Dominus. |
| 26 | Iod. |
| 27 | Novit Dominus dies immaculatorum: et haereditas eorum in aeternum erit. |
| 28 | Non confundentur in tempore malo: et in diebus famis saturabuntur. |
| 29 | Caph. |
| 30 | Quia peccatores peribunt. |
| 31 | Inimici vero Domini mox ut honorificati fuerint et exaltati: deficientes quemadmodum fumus deficient. |
| 32 | Lamed. |
| 33 | Mutuabitur peccator, et non solvet: iustus autem miseretur, et tribuet. |
| 34 | Quia benedicentes ei haereditabunt terram: maledicentes autem ei disperibunt. |
| 35 | Mem. |
| 36 | Apud Dominum gressus hominis dirigentur: et viam eius volet. |
| 37 | Cum ceciderit, non collidetur: quia Dominus supponit manum suam. |
| 38 | Nun. |
| 39 | Iunior fui, etenim senui: et non vidi iustum derelictum, nec semen eius quaerens panem. |
| 40 | Tota die miseretur, et commodat: et semen illius in benedictione <erit> Samech. |
| 41 | Declina a malo, et fac bonum: et inhabita in saeculum <saeculi> Quia Dominus amat iudicium, et non derelinquet sanctos suos: in aeternum conservabuntur. |
| 42 | <Iniusti punientur> et semen impiorum peribit. |
| 43 | Iusti <autem> haereditabunt terram: et inhabitabunt in saeculum <saeculi> super eam. |
| 44 | Phe. |
| 45 | Os iusti meditabitur sapientiam: et lingua eius loquetur iudicium. |
| 46 | Lex Dei eius in corde ipsius <et> non supplantabuntur gressus eius. |
| 47 | Sade. |
| 48 | Considerat peccator iustum: et quaerit mortificare eum. |
| 49 | Dominus <autem> non derelinquet eum in manibus eius, nec damnabit eum cum iudicabitur <illi> Coph. |
| 50 | Exspecta Dominum, et custodi viam eius, et exaltabit te, ut haereditate capias terram: cum perierint peccatores, videbis. |
| 51 | Vidi impium superexaltatum, et elevatum sicut cedros Libani. |
| 52 | Res. |
| 53 | Et transivi, et ecce non erat: et quaesivi eum, et non est inventus <locus eius> Sin. |
| 54 | Custodi innocentiam, et vide aequitatem: quoniam sunt reliquiae homini pacifico. |
| 55 | Iniusti autem disperibunt simul, reliquiae impiorum interibunt. |
| 56 | Vau Thau. |
| 57 | Salus autem iustorum a Domino <et > protector eorum in tempore tribulationis. |
| 58 | Et adiuvabit eos Dominus, et liberabit eos: et> eruet eos a peccatoribus et salvabit eos, quia speraverunt in eo. |
| 59 | HUIC [Ms. IPSI] DAVID. Aleph. |
| 60 | Noli aemulari inter malignantes, neque aemulatus fueris facientes iniquitatem. |
| 61 | Quoniam tamquam fenum velociter arescent: et sicut olera herbarum cito cadent. |
| 62 | Beth. |
| 63 | Spera in Domino, et fac bonitatem: et inhabita terram, et pasceris in divitiis [Ms. divitibus] eius. |
| 64 | Delectare in Domino: et dabit tibi petitionem cordis tui. |
| 65 | Gimel. Revela Domino [Ms. ad Dominum] viam tuam, et spera in eo [Ms. eum]: et ipse faciet. |
| 66 | Et educet tamquam [Ms. sicut] lumen iustitiam tuam: et iudicium tuum, sicut meridiem. |
| 67 | Daleth. |
| 68 | Subditus esto Domino, et obsecra eum: ne aemulatus fueris [Ms. subaemuleris] eum, qui prosperatur in via sua, in homine faciente iniquitatem. |
| 69 | He. Desine ab ira, et derelinque [Ms. relinque] furorem, ne aemuleris [Ms. subaemuleris], ut nequiter facias. |
| 70 | Quoniam qui nequiter agunt, exterminabuntur: qui vero exspectant Dominum, ipsi haereditate possidebunt terram. |
| 71 | Vau. |
| 72 | Pusillum adhuc, et non erit peccator: et quaeres locum eius, nec invenies. |
| 73 | Mansueti autem possidebunt terram: et delectabuntur in multitudine pacis. |
| 74 | Zain. |
| 75 | Observabit peccator iustum, et fremet [Ms. stridet] super eum dentibus suis: Dominus autem irridebit eum, quoniam prospicit quod veniet dies eius. |
| 76 | Heth. Gladium evaginaverunt [Ms. eduxerunt] peccatores: tetenderunt [Ms. extenderunt] arcum suum, ut deiiciant inopem et pauperem, ut trucident rectos corde. |
| 77 | Teth. Gladius [Ms. framea] eorum intret in cor ipsorum: et arcus eorum conteratur. |
| 78 | Melius est modicum iusto, super divitias peccatorum multas. |
| 79 | Quoniam brachia peccatorum conterentur: confirmat autem iustos Dominus. |
| 80 | Iod. |
| 81 | Novit Dominus vias immaculatorum: et haereditas eorum in aeternum erit. |
| 82 | Non confundentur in tempore malo: et in diebus famis saturabuntur [Ms. manet]. |
| 83 | Caph. |
| 84 | Quoniam peccatores peribunt. |
| 85 | Inimici autem Domini mox ut honorati et exaltati fuerint: deficientes ut fumus, deficient. |
| 86 | Lamed. |
| 87 | Mutuatur peccator, et non solvit: iustus autem miseretur, et commodat. |
| 88 | Quoniam benedicentes eum possidebunt terram: maledicentes autem illum disperient. |
| 89 | Mem. |
| 90 | A Domino gressus hominis: diriguntur [Ms. dirigetur]: et viam eius volet. |
| 91 | Cum ceciderit iustus, non conturbabitur: quia Dominus firmat manum eius. |
| 92 | Nun. |
| 93 | Iuvenior fui, et senui: et non vidi iustum derelictum, nec semen eius egens pane. |
| 94 | Tota die miseretur, et commodat: et semen eius in benedictione erit. |
| 95 | Samech. |
| 96 | Declina a malo et fac bonum: et inhabita in saeculum saeculi [Ms. saecula saeculorum]: Quoniam Dominus amat iudicium, et non derelinquet sanctos suos: in aeternum conservabuntur. |
| 97 | Iniusti autem punientur: et semen impiorum peribit. |
| 98 | Iusti vero [Ms. tacet vero] haereditate possidebunt terram: et inhabitabunt in saeculum saeculi super eam. |
| 99 | Phe. |
| 100 | Os iusti meditabitur sapientiam, et lingua eius loquetur iudicium. |
| 101 | Lex Dei eius in corde ipsius: et non supplantabuntur gressus eius. |
| 102 | Sade. |
| 103 | Considerat peccator iustum, et quaerit perdere [Ms. mortificare] eum: Dominus autem non derelinquet eum in manibus eius, nec damnabit eum, cum iudicabitur illi. |
| 104 | Coph. |
| 105 | Exspecta Dominum, et custodi vias eius, et exaltabit te, ut inhabites terram: cum perient peccatores, videbis. |
| 106 | Vidi impium superexaltatum, et elevatum super cedros Libani. |
| 107 | Res. |
| 108 | Transivi, et ecce non erat: quaesivi eum, et non est inventus locus eius. |
| 109 | Sin. Custodi veritatem [Ms. innocentiam], et vide aequitatem: quoniam sunt reliquiae homini pacifico. |
| 110 | Iniusti autem disperient simul reliquiae impiorum peribunt. |
| 111 | Vau Thau. |
| 112 | Salus autem iustorum a Domino est [Ms. tacet est]: et protector eorum est in tempore tribulationis. |
| 113 | Et adiuvabit eos Dominus, et liberabit eos: et eripiet eos a peccatoribus, et salvos faciet eos, quoniam speraverunt in eo [Ms. eum]. |