Hieronymus, Psalmorum 2, LIBER PSALMORUM IUXTA SEPTUAGINTA INTERPRETES..., PSALMUS IV.
| 1 | IN FINEM, IN CARMINIBUS, PSALMUS DAVID. Cum invocarem, exaudivit me Deus iustitiae meae: in tribulatione dilatasti mihi. |
| 2 | Miserere mei: et exaudi orationem meam. |
| 3 | Filii hominum, usquequo gravi corde? <ut quid> diligitis vanitatem, <et> quaeritis mendacium. |
| 4 | DIAPSALMA. + Et> scitote, quoniam mirificavit Dominus sanctum suum: Dominus exaudiet <me> cum clamavero ad eum. |
| 5 | Irascimini, et nolite peccare, quae dicitis in cordibus vestris: in cubilibus vestris compungimini. |
| 6 | DIAPSALMA. Sacrificate sacrificium iustitiae, et sperate in Domino: Multi dicunt: Quis ostendit nobis bona? Signatum est super nos lumen vultus tui, Domine: dedisti laetitiam in corde meo. |
| 7 | A fructu frumenti, et vini <et olei> sui: multiplicati sunt. |
| 8 | In pace, in idipsum, dormiam et requiescam. |
| 9 | Quoniam tu, Domine, singulariter in spe constituisti me. |
| 10 | IN FINEM, PSALMUS DAVID, CANTICUM. Cum invocarem, exaudisti me, Deus iustitiae meae: in tribulatione dilatasti me. |
| 11 | Miserere mihi, Domine, et exaudi orationem meam. |
| 12 | Filii hominum, usquequo gravi corde? ut quid diligitis vanitatem, et quaeritis mendacium? DIAPSALMA. Scitote quoniam magnificavit Dominus sanctum suum: Dominus exaudiet me, dum clamavero ad eum. |
| 13 | Irascimini, et nolite peccare: quae dicitis in cordibus vestris, et in cubilibus vestris compungimini. |
| 14 | DIAPSALMA. Sacrificate sacrificium iustitiae, et sperate in Domino. |
| 15 | Multi dicunt: Quis ostendit nobis bona? Signatum est, super nos, lumen vultus tui, Domine. |
| 16 | Dedisti laetitiam in corde meo: A tempore frumenti, vini et olei sui, multiplicati sunt. |
| 17 | In pace, in idipsum, obdormiam et requiescam: quoniam tu, Domine, singulariter in spe constituisti me. |