monumenta.ch > Hieronymus > 87
Hieronymus, Epistulae, 3, 86. AD THEOPHILUM. <<<     >>> 88 AD THEOPHILUM.

Hieronymus, Epistulae, 3, 87[Alias 69. Scripta hoc an. 400.] THEOPHILI AD HIERONYMUM.

1 [Nuntiat expulsos e Nitriae monasteriis Origenistas, hortaturque, si qui alii decepti sunt, ut emendet.]
Dilectissimo et amantissimo fratri HIERONYMO Presbytero THEOPHILUS Episcopus. 'Sanctus Episcopus Agatho, cum dilectissimo Diacono Athanasio in ecclesiastica directus est causa: quam cum didiceris, non ambigo quin nostrum studium probes, et in Ecclesiae victoria glorieris. Namque Origenis haeresim in monasteriis Nitriae quidam nequam et furiosi homines serere et fundare [al. fundere] cupientes, Prophetica falce succisi sunt. Quia recordati sumus commonentis Apostoli:' Argue eos severe [Tit. 2. 15]. 'Festina igitur et tu, partem huius praemii recepturus, deceptos [Ex Vatic. olim Reginae Mss. 242. voces congruis scripturarum supplevimus, quae in editis deerant. Alii Mss., probae etiam notae quoque habent pro quosque.] quosque congruis Scripturarum emendare sermonibus. Optamus, si fieri potest, in diebus nostris catholicam fidem, et Ecclesiae regulas cum subiectis nobis populis custodire, et omnes novas sopire doctrinas.'Hieronymus HOME
bnf446.23 bsb4610.57