monumenta.ch > Hieronymus > 9
Hieronymus, Epistulae, 1, 8. AD NICEAM HYPPODIACONUM AQUILEIAE . <<<     >>> 10. AD PAULUM SENEM CONCORDIAE .

Hieronymus, Epistulae, 1, 9[Alias 44. Scripta eodem tempore quo superior.]. AD [Mss. alii Gisochomam vocant, alii Chrisocomam.] CHRYSOGONUM MONACHUM AQUILEIAE.

1 [Expostulat cum Chrysogono Aquileiae Monacho, recenti amico, quod nihil ad se scripserit.]
Qui circa te affectus meus sit, carissimus ambobus Heliodorus tibi potuit fideliter nuntiare; qui non minore te diligit amore, quam ego diligo: ut ego semper in ore meo nomen tuum sonem: ut ad primam quamque confabulationem iucundissimi mihi [Pro tui Martianaeus mihi. Victorius utrumque legit.] consortii recorder, ut humilitatem admirer, virtutem efferam, praedicem caritatem. Verum tu, quod natura Lynces insitum habent, [Ex antiquo cod. Gravius, ut post tergum respicientes non meminerint priorum.] ne post tergum respicientes meminerint priorum, et mens perdat quod oculi videre desierint, ita nostrae es necessitudinis penitus oblitus, ut illam epistulam, quam in corde Christianorum scriptam Apostolus [1. Cor. 3. 2] refert, non parva litura, sed imis, ut aiunt, ceris eraseris. Et illae quidem, quas diximus, ferae, sub frondente captantes arboris ramo fugaces capreas, aut timidum, cervos, animal comprehendunt: currentemque frustra praedam, dum hostem suum secum verabido desuper ore dilaniant; et tamdiu meminere praedandi, quamdiu venter vacuus siccum fame guttur exasperat. Ubi vero sanguine pasta feritas viscera distenta compleverit, cum saturitate succedit oblivio: tamdiu nescitura quid capiat, donec memoriam revocaverit esuries. Tu necdum satiatus e nobis, cur finem iungis exordio? cur amittis antequam teneas? Nisi forte negligentiae semper excusatione socia, asseras te non habuisse quod scriberes: cum hoc ipsum debueris scribere, [Mss. quidam, atque editi te aliud non habuisse, etc.] te non habuisse quod scriberes.Hieronymus HOME
bsb4610.59