| 1 | VERS. 3.---Doctrinam qua me arguis audiam, et spiritus intelligentiae meae respondebit mihi. |
| 2 | [2. ] Multi monita audiunt, ut iudicent, non ut sequantur.---Ac si aperte dicat: Tua quidem verba audio, sed an recte prolata sint, spiritu meae intelligentiae discerno. [Sic Mss. Anglic. et nostri. Vet. et recentiores Cusi: nam qui dicentis verba.] Nam qui docentis verba despiciunt, doctrinam eius non ad adiutorium, sed ad occasionem certaminis sumunt, ut audita potius iudicent quam sequantur. His itaque sub quodam moderamine praemissis, in apertam iam beati viri exprobrationem prosilit, cum subiungit: |