| 1 | Gregorius Romano defensori. |
| 2 | Quia praesentium portitorem Argentium colonum Ecclesiae nostrae curam hospitalitatis habere cognovimus, necesse est ut in parte aliqua eius studium adiuvemus. |
| 3 | Idcirco huius tibi praeceptionis auctoritate mandamus ut terrulam modiorum plus minus, sicut asserit, decem, possessionis Disterianae, quam tenuit, reddere ei sine mora aliqua vel excusatione festines, ut eam diebus vitae suae habeat, atque ex ipsa rationibus ecclesiasticis nihil impendat, sed in ea ille quam exhibet hospitalitate proficiat. |
| 4 | Quia dignum est ut bono laudandoque operi concurrere ac ferre consultum modis omnibus debeamus. |