Gregorius Magnus, Epistolae, 10, EPISTOLA LXIV. AD ROMANUM DEFENSOREM. Scriboni quamvis bono non locandam Ecclesiae possessionem, sed annis singulis id offerendum Gentioni quod ex locatione fuisset lucratus.
| 1 | Gregorius Romano defensori. |
| 2 | Quoniam filius noster Gentio vir magnificus scribo tantae, Deo propitio, bonitatis est ut valde sit diligendus, si quid ei potuissemus conferre, debuimus. |
| 3 | Voluerat enim possessionem iuris ecclesiastici sub specie libellorum tenere. |
| 4 | Sed propter malos scribones iudicavimus in hac nos causa nec bono committere. |
| 5 | Proinde excepta de possessione quae potuerunt in eius utilitatem verti, eadem volumus eius magnitudini singulis annis offerri, id est, porcos viginti, qualiter ipse praevideris, vervices viginti, et gallinas sexaginta. |
| 6 | Quae omnia volumus in exceptis reputari. |