| 1 | Gregorius Cypriano diacono rectori Siciliae. |
| 2 | Lilybetanae clerus Ecclesiae huc pro ordinando sibi veniens sacerdote, licentiam eis de exquirendo sibi episcopo nos dedisse cognoscas. |
| 3 | Qui reperientes Decium forensem presbyterum, sibi eum consecrari multis precibus poposcerunt, quorum petitionem necessarium duximus adimplere. |
| 4 | Et ideo dilectio tua in omnibus ei solatiari non negligat; ut, quia Theodorus quondam eiusdem Ecclesiae episcopus dereliquit plurima quae emendari debeant, tuo in omnibus adiutus auxilio, duntaxat aequitate servata, causarum inquietudinibus liberior, in Dei laudibus possit existere. |