| 1 | Gregorius Importuno episcopo Attellano. |
| 2 | Ea quae provide disponuntur, fraternitatem tuam credimus libenter amplecti. |
| 3 | Et quia ecclesiam sanctae Mariae Campisonis in tua parochia positam, presbytero vacare cognovimus, praesentium portitorem Dominicum presbyterum in eadem ecclesia ut praeesse debeat, nos certum est deputasse. |
| 4 | Ideoque fraternitas tua ei emolumenta eiusdem ecclesiae faciat sine cunctatione praestari, et decimae fructus indictionis, qui iam percepti sunt, praedicto viro fac sine mora restitui, quatenus eiusdem ecclesiae utilitates, cuius emolumenta consequitur, Deo adiutore, sollicite valeat procurare. |