monumenta.ch > Gregorius Magnus > 12
Gregorius Magnus, Epistolae, 2, EPISTOLA XI. AD NEPESINOS. De Leontio illuc transmisso, ut ei obediant. <<<     >>> EPISTOLA XIII. AD IMPORTUNUM EPISCOPUM ATTELLANUM Suffraganeum episcopum monet de presbytero a se, ut in quadam dioecesis illius ecclesia proesit, deputato.

Gregorius Magnus, Epistolae, 2, EPISTOLA XII. AD CASTORIUM EPISCOPUM ARIMINENSEM. De oratorio sanctae crucis consecrando.

1	Gregorius Castorio episcopo de Arimino.
2	Timothea illustris femina petitoria nobis insinuatione suggessit, quod habetur in subditis, intra civitatem Ariminensem in loco iuris sui oratorium se pro sua devotione fundasse, quod in honorem sanctae crucis desiderat consecrari.
3	Et ideo, frater charissime, si in tuae civitatis iure memorata constructio consistit, et nullum corpus ibidem constat humatum esse, percepta primitus donatione legitima, id est totius facultatis eius, excepta familia, mobilium vel immobilium seque moventium unciis octo, retento sibi usufructuario diebus vitae suae, gestisque municipalibus alligata, praedictum oratorium absque missis publicis solemniter consecrabis, ita ut in eodem loco nec futuris temporibus baptisterium construatur, nec presbyterum constituas cardinalem.
4	Et si missas forte maluerit fieri ibi, a dilectione tua presbyterum noverit postulandum, quatenus nihil aliud a quolibet alio sacerdote ullatenus praesumatur.
5	Sanctuaria vero suscepta sui cum reverentia collocabis

Gregorius Magnus HOME