Gregorius Magnus, Epistolae, 1, EPISTOLA XXXVIII. AD MALCHUM EPISCOPUM DALMATIAE. Stephanum episcopum ad iudicium compellat, et quod iudicatum fuerit exsequatur.
| 1 | Gregorius Malcho episcopo Dalmatiae. |
| 2 | Ioannes vir eloquentissimus, consiliarius viri excellentissimi domni Georgii praefecti per Italiam, insinuavit nobis contra Stephanum episcopum Scodrensis civitatis, quorumdam se negotiorum habere controversias, et petiit inter eum et se iudicium debere consistere. |
| 3 | Propterea fraternitatem tuam praesenti praeceptione curavimus admonendam, ut praedictum episcopum ad eligendum compellas venire iudicium. |
| 4 | Et quidquid inter praedictum Ioannem virum magnificum, et saepe fatum episcopum electorum fuerit sententia definitum, ad effectum perducere non omittas, ut et actor de consecuta iustitia gratias referat, et pulsatus cum ad cognitionem deducitur, nihil contra se de illata iniustitia conqueratur. |