Cassianus, De coenobiorum institutis, 7, CAPUT XX. Quam ignominiosum sit a philargyria superari.
| 1 | Itaque si agonem spiritalem certare legitime cupimus, hunc quoque perniciosum hostem a nostris cordibus extrudamus. |
| 2 | Quem quantum superare non magnae virtutis est, tantum ab eo vinci ignominiosum plenumque dedecoris. |
| 3 | A potente enim elidi, licet sit in deiectione dolor, et gemitus in amissione victoriae: tamen quodam modo de adversarii robore victis nascitur consolatio. |
| 4 | Sin vero et inimicus exilis, et genus colluctationis infirmum: ultra deiectionis dolorem confusio turpior, et ignominia detrimento gravior infertur. |