| 2 | Ob hoc namque tali observantia semetipsos ab orationis eius consortio segregant, atque secernunt, quod credunt eum qui ab oratione suspenditur, secundum Apostoli sententiam tradi Satanae: et si quis orationi eius, antequam recipiatur a seniore, inconsiderata pietate permotus, communicare praesumpserit, complicem se damnationis eius efficiat, tradens scilicet semetipsum voluntarie Satanae, cui ille pro sui reatus emendatione fuerat deputatus, in eo vel maxime gravius crimen incurrens, quod cum illo se vel confabulationis, vel orationis communione miscendo, maiorem illi generet insolentiae formitem, et cotumaciam delinquentis in peius enutriat. |