| 1 | Conceptio sanctae Mariae perpetuae virginis. Romae natale sancti Eutychiani papae, qui rexit Ecclesiam annum unum, et sub Aureliano imperatore martyrio coronatus, sepultus est in coemeterio Callisti, qui et ipse per diversa loca trecentos quadraginta duos martyres manu sua sepelivit. Hic constituit fruges super altare tantum fabas et uvas benedici. Apud Alexandriam beati Macharii sub Decio, qui gente Pibycus, cum multis verbis a iudice ad negandum suaderetur, et eo maiore constantia fidem suam profiteretur, vivus ad ultimum iubetur exuri. In civitate Verona natale sancti Zenonis martyris. |