| 1 | Apud Alexandriam beati Agathonis martyris. Qui cum esset militaris, et assisteret ubi beati martyres laniabantur, inter quos erat Iulianus et Eunus in Domini Iesu Christi confessione perdurantes, et quosdam volentes etiam illudere mortuis cadaveribus martyrum, prohiberet, clamor adversus eum totius vulgi extollitur. Offertur iudici fortissimus miles iam Domini, et nunquam se inferior factus in confessione persistens, capite pro pietate damnatur. Apud Sanctonas beati Martini abbatis, discipuli sancti Martini Turonicae urbis episcopi, qui in monasterio quod aedificavit, in pace quiescit. In Antiochia natale Polycarpi et Theodori. Eodem die octava sancti Andreae. |