| 1 | Natale sancti Nicolai Myrensis Ecclesiae metropolitani episcopi. Apud Africam sanctarum Dionysiae, Dativae, Leontis, Aemiliani medici, et religiosi viri nomine Tertii, Bonifacii, Servii, Victricis et Maiorici adolescentis, qui omnes persecutione Vandalica sub Hunerico Ariano rege, pro confessione catholicae fidei, et ne ab Arianis rebaptizarentur, gravissimis et innumeris suppliciis excruciati, confessorum Christi numero sociari meruerunt; e quibus Maioricus cursum palmiferum in certamine consummavit |