| 1 | In territorio Agatensi natale sanctorum martyrum Tiberii, Modesti et Florentiae, qui tempore Diocletiani variis tormentis cruciati martyrium compleverunt. Eodem die sancti Martini papae, qui ob fidem catholicam ab imperatore Constantio haeretico, per Theodorum exarchum de ecclesia raptus, ac productus Constantinopolim, relegatur apud Chersonam Lyciae provinciae, ibidemque vitam finivit, multis in eodem loco virtutum signis usque hodie refulgens. Romae depositio sancti Leonis episcopi. In Antiochia natale Demetrii episcopi, Amnesi, Eustochii et sociorum eius. Aurelianis depositio beati Monitoris episcopi. |