| 1 | Natale sancti Narcissi Ierosolymorum episcopi, viri sanctitate et patientia, ac fide laudabilis. Accidit aliquando in die solemni vigiliarum Paschae oleum deesse luminaribus; tum praecepit repente naturam aquae in oleum verti. Qui centum et sedecim annorum migravit ad Dominum. Apud Sidonem urbem sancti Zenobii presbyteri, qui persecutione Diocletiani martyrio coronatur. Viennae depositio beati Theodori abbatis. In Lucania sanctorum Iacincti, Quintini, Felicianae, Lucinii. Eodem die sancti Felicis diaconi et martyris. |