| 1 | Natale sancti Eusebii papae, qui sedit in episcopatu annos septem, sepultus est via Appia, in coemeterio Calisti. Sub huius tempore inventa est crux Domini nostri Iesu Christi, quinta Nonas Maii. Hic haereticos invenit in urbe, quos ad manuum impositionem reconciliavit. In territorio Atrebatensi, villa Syricinio passio sancti Leodegarii Augustudunensis episcopi, quem variis iniuriis et diversis suppliciis pro veritate afflictum Hebroinus maior regiae domus interfecit. Cuius sacratissimum corpus in dioecesi Pictavorum translatum, in monasterio beati Maxentii honorifice est humatum. In Nicomedia sancti Eleutherii martyris, sub Diocletiano, qui per varia tormentorum genera examinatus migravit ad Christum. |