| 1 | Natale sancti Methodii, Olympii, Lucii, et postea Tyri episcopi, qui sub Diocletiano in Chalcide Graeciae martyrio coronatus est. Viennae sancti Ferreoli, qui persecutionis tempore, cum esset tribunitiae potestatis, iussu praesidis tentus primo crudelissime est caesus, deinde gravi catenarum onustus pondere, in teterrimum carcerem trusus est; unde solutus Dei nutu, postea ab insequentibus captus, martyrii palmam capitis obtruncatione percepit; cuius corpus cum capite beati Iuliani ad urbem Viennensium relatum, et condigno honore conditum est. Mediolani depositio beati Eustorgii episcopi, et Satyri, Theophimi, Iociani. |