| 1 | Sergii papae qui sedit Romae annos tredecim. Hic invenit mirae magnitudinis portionem ligni salutaris Dominicae crucis, in sacrario beati Petri. Hic statuit in tempore Dominici corporis confractionis, Agnus Dei a clero et a populo decantari, et constituit ut diebus annuntiationis Domini, dormitionis, et nativitatis sanctae Dei genitricis Mariae, ac sancti Simeonis, quod hypanti Graece dicitur, litaniae exeant a Sancto Adriano, et ad Sanctam Mariam populus occurrat. Passio beatorum martyrum, Dorothei et Gorgonii. Apud Nicomediam, sub Diocletiano imperatore, quos iussit appendi, et flagris toto corpore laniari, et visceribus iam pelle nudatis aceto et sale perfundi. Post haec iubetur craticula prunis subterstrata in medio poni, ibique quod in eo reliquum fuerat, absumpti hominis supponi, et non subito, sed paulatim succendi; ad ultimum laqueo appenso iussit necari. Interiecto tempore beatus Gorgonius Romam transfertur. In Sabinis sanctorum Iacincti, Alexandri, Tyburcii. Eodem die sanctae Kunegundis virginis. |