| 1 | In suburbano Romae beati Victorini martyris, qui dum eremiticam vitam duceret, diaboli suasionibus est lapsus, sed per Dei gratiam recuperatus, et postea sacerdotium Aminterninae urbis adipiscitur. Inde postmodum sub imperatore Nerva, cum aliis Dei servis, Eutice et Maronae ab Aureliano iudice primo relegatur apud eum locum, ubi putentes aquae et sulphureae emanant: in ipsis capite deorsum per tres horas suspendi iussus, et teneri ab impio iudice iussus est. Quod cum per triduum pro nomine Christi passus fuisset, gloriose coronatus victor migravit ad Dominum. Cuius corpus Aminternenses populi rapientes, honorificata sepultura condiderunt. Romae sancti Herculiani martyris. Capuae sanctorum Quinti, Arcontii et Donati, Taurini, Nimpi et Saturnini, et depositio Ingenii episcopi. |