| 1 | Natale sancti Magni. In Gallia sancti Donati presbyteri, qui anachoreticam vitam multis annis duxit. Romae beati Iulii senatoris martyris. Hunc docuerunt beati martyres, Eusebius, Vincentius, Peregrinus, Pontianus, per quorum manus etiam facultates suas pauperibus distribuens, a beato Rufino presbytero baptismum percepit. Quod audiens Commodus imperator, iratus tradidit eum Vitellio iudici, ut facultates eius requireret, et ad sacrificandum impelleret. Quique coniecit eum in carcerem, et post triduum catenis vinctum fecit sibi praesentari; et auditum eum, tandiu iussit fustibus caedi, donec emitteret spiritum. Cuius corpus collegerunt noctu supradicti sancti martyres, et sepelierunt in coemeterio Calepodii. |