| 1 | Apud Tusciam civitatem Aretio, natale sancti Donati episcopi et martyris, qui tentus est tempore Iuliani imperatoris a Quadratiano Augustali, simul cum Hilarino monacho, iussusque est idolis sacrificare; quo renuente, iussit Hilarinum tandiu fustibus caedi in conspectu ipsius, donec emitteret spiritum, deinde beatum Donatum gladio percuti. Quorum corpora Christiani venerabiliter iuxta civitatem sepelierunt. Cuius meminit beatus Gregorius, quod fractum calicem orando restauraret. Romae sanctorum martyrum Petri, Iulianae, cum aliis decem et octo. Mediolani sancti Faustini, tempore Aurelii Commodi martyrizati. Apud provinciam Rhetiae, civitatem Augustam, natale sanctae Afrae martyris. |