| 1 | Natale sancti Epaphrae, qui a beato Paulo Collossensis episcopus ordinatus, clarus virtutibus martyrii palmam pro ovibus sibi commendatis virili agone percepit; sepultus in eadem urbe. Et natale beati Ioseph, qui cognominatus est Iustus, quique cum beato Matthia, ut numerum duodecimum impleret, ab apostolis statuitur; sed Matthia locum Iudae praevaricatoris implente, beatus Ioseph nihilominus praedicationis et sanctitatis officio inserviens, multamque pro fide Christi persecutionem a Iudaeis sustinens, victoriosissimo fine in Iudaea quievit. De quo refertur quod venenum biberit, et nihil ex hoc triste, propter Domini fidem, pertulerit. In Damasco sanctorum Sabini, Maximini, Iuliani, Macrobii, Cassiae, Paulae, cum aliis decem. In Africa natale Luciani, Petri, Amabilis, Nunnae, et Thebaidae Victoris. |